Дьааҥы улууьун Адыаччы нэҺилиэгэр олохтоох библиотека уонна кулууп коллектива бииргэ сомоҕолоҺон, Саха сиригэр пионерия тэриллибитэ 100 сылыгар аналлаах «Сырдык өйдөбүллээх пионерия» диэн оскуолатааҕы кэрэ кэмнэри саныыр-ахтар тэрээҺини ыыттылар.
Хас биирдии киҺи оччотооҕу пионер малларыттан аҕалан, «Пионерия 100 сыла» көрүү-быыстапка тэрилиннэ. Маны тэҥэ, Саха сиригэр пионерия тэриллиитин туҺунан кылгас иҺитиннэрии, Пионерия знактарын уонна удостоверениялары туттарыы, «Кини кимий?» диэн урукку хаартыскаларынан октябренок, пионер, комсомол оҕолору таайыы-оонньуу; Герой пионер Сима Сергеев хорсун быҺыытын туҺунан дорҕоонноохтук ааҕыы ыытылынна.
Сылаас чэйдээх сандалы тула пионерскай ырыа доҕуҺуоллаах тэрээҺин түмүктэннэ.
*АДЫАЧЧЫ ОЧЧОТООҔУ ПИОНЕРДАРА САХА СИРИГЭР ПИОНЕРИЯ 100 СЫЛЛААХ ЮБИЛЕЙЫГАР АНАЛЛААХ ЗНАК ТУТТУЛАР*
