Слепцова Людмила Павловна – Отличник образования РС ( Я ), медаль из Фонда охраны мира РСФСР, медаль от Президиума Верховного Совета СССР «За доблестный труд в ознаменовании
100 – летия со дня рождения В.И.Ленина», Почетный гражданин Верхоянья.
Платонова Людмила Павловна – Мэҥэ – Хаҥалас оройуонун, Наахара нэһилиэгэр,
ыам ыйын 19 күнүгэр, 1939 сыллаахха төрөөбүтэ, аҕатынан аймахтара педагогтар,
Бары араас үөрэх салаатын учууталлара, преподавателлэрэ, билигин сиэннэрэ, хос сиэннэрэ эмиэ, дьоннорун удьуордаан учууталлыы сылдьаллар. Ол курдук , 1962 сыллаахха Бүлүүтээҕи педучилищены бүтэрэн, Дьааҥы улууһун, Сартаҥ нэһилиэгэр учууталынан ананан үлэлии кэлбитэ.
Сартаҥ дьоно – сэргэтэ олус сайаҕастар, үөрэ – көтө көрсүбүттэрэ.
1964 сыллаахха, ыал буолар, Сартаҥҥа, Слепцовтар дьиэ кэргэҥҥэ кийиит буолан, оло5ун онно аныыр. Үс оҕолоох ыал ийэтэ буолар.
1970 сыллаахха, саха государственнай университын, нуучча салаатын факультетын бүтэрэр.
Людмила Павловна үөрэтэр оҕолоругар – Төрөөбүт дойдуну таптыырга, үлэни ытыктыырга,
дьон быһыытыгар – майгытыгар баар үтүө өрүттэрин буларга, айар дьоҕуру сайыннарарга улахан болҕомтотун уурара. Людмила Павловна 1999 сыллаахха, кулун тутарга эмискэ ыалдьан олохтон туоруур.
Төрөппүт уолаттара, ийэлэрин туйаҕын хатаран билигин педагог үлэтин баһыйан, төрөөбүт түөлбэлэригэр үлэлии сылдьаллар.
Улахан уол , Слепцов Руслан Семенович, 1985сыллаахха педучилищены бүтэрээт, күн бүгүнүгэр дылы, оҕолору тыыннаах музыка кэрэ эйгэтигэр үөрэтэр. Оскуолаҕа киириэн саастаах оҕолору баяҥҥа оонньуурга үөрэтэр.
Саха Өрөспүүбүлүкэтин үөрэҕириитин туйгуна, Россия туонатыгар, Саха сирин иһинэн ыытыллар, оҕолорго аналлаах музыкальнай күрэхтэр хас да төгүллээх кыайыылааҕа. Оройуон, Өрөспүүбүлүкэ аатыттан Бочуотунай грамоталарынан наҕараадаламмыта.
Кыра уол, Слепцов Гаврил Семенович, педучилищены бүтэрээт, эмиэ төрөөбүт дойдутугар үлэлии кэлэр. Кэлин үөрэҕин үрдэтинэн, университетка физкультура уонна спорт салаатын бүтэрэр.
Саха Өрөспүүбүлүкэтин үөрэҕириитин туйгуна.
Оҕолору эт – хаан өттүнэн сайыннарар, чэбдигирдэр санааннан үлэлии сылдьар.
Үөрэтэр оҕолоро оройуон, Өрөспүүбүлүкэ туонатыгар ыытыллар остуол оонньууларыгар,
чуолаан, хабылыкка, хаамыскаҕа куруук миэстэлэһэллэр, инники күөҥҥэ сылдьаллар.
Сахабыт Өрөспүүбүлүкэтин аатыттан, Платоновтар “ Россия5а баар педдинастиялар»- диэн ааттаах электроннай альманаахха киирдилэр. Бу сүҥкэн улахан үлэттэн, сыраттан тахсар.
Биир дойдулаахтарбытын: Слепцов Руслан Семеновиһы, Слепцов Гаврил Семеновиһы эҕэрдэлиибит. Уҕараабат үлэлэригэр үрдүк ситиһиини баҕарабыт. Ити курдук, төрөөбүт
Сартаҥнарыгар, оҕо эйгэтигэр ситиһиилээхтик үлэлии, айа – тута сылдьаллара олус кэрэхсэбиллээх.
