Боруулаах нэҺилиэгин сынньалаҥ киинигэр олохтоох бибилэтиэкэр көҕүлээҺининэн Олоҥхо декадатын чэрчитинэн алын кылаас үөрэнээччилэригэр «Олоҥхо алыптаах эйгэтигэр айан» диэн квест-оонньуу ыытыллынна.

ТэрээҺиммит сахалыы алгыҺынан арыллан олоҥхону билиҺиннэрэр тэттик мультигынан сэҥээрдилиннэ. Салгыы оҕолор үс хамаанданан хайдыҺан олоҥхо дойдутун устун мүччүргэннээх,  соҺуччу түгэннэрдээх айаҥҥа аттаннылар. Үрдүк мэҥэ халлаан урсунан кырыйа көтөн, орто дойду олуктарынан ат да сүүртүлэр,  булугас өй күрэҕэр тургутууну аастылар, олоҥхо үс дойдутун кэрэтин арыйдылар. Аллараа дойду абааҺыларынаан орто дойду араҥаччыта бухатыыр буолан дуолан охсуҺууга кииристилэр, кэрэ куону быыҺаатылар…

Түмүккэ оҺуокайдаан дьиэрэттилэр.

Онон кырачаан доҕотторбут улуу олоҥхобут киэҥ далайыттан кыракый үрүйэчээн да саҕа үтүө өйдөбүлү истэригэр иҥэриннэхтэрэ, хаппардарыгар хатаатахтара диэн сэмээр үөрүөххэ!

Бибилэтиэкэр — Жанна Слепцова.