Дорогие друзья! В честь Дня студентов и Татьян предлагаем играть в калейдоскоп- викторину

Үтүө күнүнэн, доҕоттор!
Бүгүн, тохсунньу 25 күнүгэр Россияҕа студеннар уонна Татьяналар күннэрэ бэлиэтэнэр.
Бу бэлиэ күҥҥэ анаан  «ҮлэҺит үтүөтэ Татыйааналар. Кинилэр кимнээҕий? Таай.»  калейдоскоп-викторинаҕа кыттаргытыгар ыҥырабыт.
Эппиэттэри тохсунньу 30 күнүгэр диэри 89644221502 нүөмэргэ ватсабынан  ыытыаххытын сөп.
Түмүк тохсунньу 31 күнүгэр биллиэҕэ.

«ҮлэҺит үтүөтэ Татыйааналар. Кинилэр кимнээҕий? Таай.»  калейдоскоп-викторинаҕа GIF хаартыскаларын көрөн  боппуруостарга эппиэттээ:

1️⃣❓Кини 1950-1955с.с. Москватааҕы М.С.Щепкин аатынан театральнай училищены бүтэриэҕиттэн П.А.Ойуунускай аатынан музыкальнай-драматическай театрга, 1971с. Дьокуускайдааҕы П.А.Ойуунускай аатынан  государственнай драмтеатрга артыысканан, Шекспир «Отеллотыгар» Дездемона, Уустаах Избеков «Сыгый Кырынаастыырыгар» Сыгый оруолларыгар оонньообут Саха АССР үтүөлээх артыыската кимий?

2️⃣❓ Кини 2004 сыллаахха республикаҕа үп-харчы ырыынагар инники кирбиигэ үктэллээх «Алмазкредитсервис» кредитнэй сойууҺу тэрийбит, бырабылыанньа халыҥ хамаандатын иилээн-саҕалаан олорор председателэ кимий?

3️⃣❓ Кини меценат, «Хоро Ойулуун Продакшн» хааччахтаммыт тэрилтэни тэрийээччи, «Его дочь» (2016), «Замыкание» киинэлэр ааптардара, Дьааҥы, Кэбээйи улуустарын  депутатын кэргэнэ кимий?

4️⃣❓ Кини оскуоланы кыҺыл көмүс мэтээлинэн, салгыы Ленинградтааҕы Герцен аатынан педагогическай институту бүтэрэн, үйэ чиэппэриттэн ордук кэмҥэ саха телевидениетыгар, «Атах тэпсэн олорон», онтон «Олох үөҺүгэр» биэриилэргэ айымньылаахтык үлэлии сылдьар кимий?

5️⃣❓ Кини музыковед, искусствоведение кандидата, Саха сирин култууратын туйгуна, Саха композитордарын, суруйааччыларын, театральнай деятеллэрин айар сойуустарын чилиэнэ, Саха идэтийбит музыката сайдарыгар улахан олугу оҥорсубут, «Якутия музыкальная» (2009с.) диэн Саха сиригэр аан бастакы музыкальнай профессиональнай сурунаалы таҺаарбыт кимий?

6️⃣❓ Кини суруналыыс, Саха сирин бэчээтин уонна тыатын хаҺаайыстыбатын туйгуна, СР тыатын хаҺаайыстыбатын уонна ас-үөл политикатын пресс-сулууспатын салайааччыта кимий?

7️⃣❓ Кини Саха Республикатын үөрэҕириитин уонна култууратын үтүөлээх үлэҺитэ, Российскай Федерация үлэҕэ бэтэрээнэ, Дьааҥы улууҺугар баар хотугу аҕыйах ахсааннаах эбээн норуота түөлбэлээн олорор нэҺилиэгэр оҕо искусствотын оскуолатын салайар кимий?

8️⃣❓Кини Российскай Федерация үтүөлээх учуутала уонна уопсай үөрэхтээҺинин бочуоттаах үлэҺитэ, Саха сирин үөрэҕириитин туйгуна, Дойду президенин гранын хаҺаайына, үөрэппит үгүс оҕолоро республикаҕа «Инникигэ хардыы», бүтүн Россиятааҕы, аан дойдутааҕы научнай-практическай конференцияларга ситиҺиилээхтик кыттыбыттара, Дьааҥы кырдьаҕас куоратыгар биология учууталынан бэриниилээхтик үлэлээбит кимий?

9️⃣❓ Кини Дьааҥы улууҺун биир улахан нэҺилиэгин орто оскуолатын КыҺыл көмүс мэтээллээх выпускницата, филолог идэлээх,  Дойду президенэ Д.А.Медведев, «Барҕарыы» пуонда, ХИФУ ректора Е.И.Михайлова олохтообут граннарын хаҺаайына, бүтүн Россиятааҕы «Воспитатель 2018» идэлээхтэр конкурстарын муниципальнай этабын кыайыылааҕа уонна «Педагогическое мастерство 2021» конкурс I степеннээх дипломун хаҺаайына, Чурапчыга «Улыбка» оҕо сайдар киинигэр английскай тылы үөрэтэр эбии үөрэхтээҺин уҺуйааччыта кимий?

1️⃣0️⃣❓ *Адыаччыларга эбии боппуруос:* Адыаччы нэҺилиэгэр биир кырдалга олорор үс Татьяналар уулуссаларын аата?

Кыттааччыларга ситиҺиилэри баҕарабыт.
Адыаччы олохтоох библиотеката, 2023 сыл

Дорогие друзья! В честь Дня студентов и Татьян предлагаем играть в калейдоскоп- викторину ,,ҮлэҺит үтүөтэ Татыйааналар. Кинилэр кимнээхтэрий? Таайыҥ,,. Ответы на викторину  можете отправить до 30 января с.г. на номер 89644221502. Итог выйдет 31 января. Желаем всем удачи!