Быйыл Адыаччы нэҺилиэгэ тэриллибитэ 100 сыла (национальнай архыыпка көстүбүт докумуон туоҺутунан). Ити үйэлээх бэлиэ даатаҕа уонна Саха сиригэр Оҕо саас сылыгар, итиэннэ Төрөөбүт тыл, сурук-бичик күнүгэр анаан, Адыаччы олохтоох библиотекатын бырайыагынан, 22 оскуола иннинээҕи саастаах оҕолор биир дойдулаахтара, иитээччилэрэ, эбээлэрэ, ийэлэрэ (Дьааҥы КыыҺа Сыралы Дьэбдьиэй Сиэнэ, Айыына Стручкова, Раиса Чирикова, Наталья Акимова, Аина Чирикова, Галина Егорова, Константин Каженкин, Мария Потапова, Наталья Юмшанова) айбыт хоҺооннорун дорҕоонноохтук ааҕыыга күрэхтэҺэн илин-кэлин түҺүстүлэр. Түмүккэ бастакы миэстэни Артемий Чириков (2-4 саастаахтар бөлөхтерүгэр), Вилена Слепцова (5-7 саастаахтар бөлөхтөрүгэр), иккис миэстэни София Слепцова уонна Света Гаврильева (2-4 саастаахтар бөлөхтөрүгэр), Адриана Чирикова уонна Милена Попова (5-7 саастаахтар бөлөхтөрүгэр), үҺүс миэстэни Тимофей Миронов, Тапталана Потапова уонна Кира Кириллина (2-4 саастаахтар бөлөхтөрүгэр), Сайаара Чирикова, Чаҕыл Юмшанов уонна Саяна Захарова (5-7 саастаахтар бөлөхтөрүгэр) ыллылар.
Дьүүллүүр сүбэҕэ саха тылын уонна литературатын учуутала, РФ үөрэҕириитин бочуоттаах үлэҺитэ, «Учууталлар учууталлара» анал ааттаах Вера Семеновна Слепцова уонна хоҺоонньут, икки кинигэ ааптара, РФ суруналыыстарын сойууҺун чилиэнэ, Оҕо сайдар киинэ — «Кэскил» уҺуйаан сэбиэдиссэйэ Константин Николаевич Каженкин үлэлээтилэр. Оҕолор бары тэрийээччилэртэн (олохтоох библиотека уонна «Кэскил» оҕо уҺуйаана) Грамота, ТуоҺу сурук, бэлэх, минньигэс бириис тутан үөрдүлэр-көттүлэр. Оттон иитээччилэр Н.Н.Акимова, Л.С.Потапова, Д.Ю.Андреева, Т.А.Чирикова, С.А.Чирикова бэлэмнээбит оҕолоро ситиҺиилээхтик кыттыбыттарыттан сүргэлэрэ көтөҕүлүннэ.
Адыаччылар молодецтар
Адычинская ЦБ так держать