9 күнүгэр, Адыаччытааҕы Түмсүү балаҕаныгар Албан ааттаах хомсомуол күнүн өрө көтөҕүллүүлээхтик бэлиэтээтибит. Өр сылларга хомсомуол кэккэтигэр сылдьыбыт, совхоз араас үлэлэригэр күүрээннээхтик үлэлээбит оччотооҕу хомсомуоллар кэлэн, эдэр эрчимнээх саастарын санатыһан, урукку улуукан кэмнэри ахтыһан мааны ыалдьыт буоллулар.
Олохтоох бибилэтиэкэ үлэһитэ Л.К.Горохова бэлэмнээн тэрийбит хомсомуол күүрээннээх кэмнэрин кэпсиир интириэһинэй быыстапкатын кэрэхсээн көрдүлэр, эдэр саас эриэккэс саастарын санатар араас көрдөөх оонньууларга , викторинаҕа кытыннылар, хомсомуол саастарыгар бүттүүн дойду үрдүнэн тарҕаммыт «оскуола — производство — үрдүк үөрэх» бачыымы өйөөн , оҥорон таһаарыы араас салааларыгар үлэлээбит умнуллубат сылларын туһунан иһирэх ахтыылары оҥордулар.
Маннык истиҥ ахтыы киэһэтиттэн аҕам саастаах дьон эдэр эрчимнээх саастарын умнуллубат кэрэ кэмнэрин ахтан — санаан, сүргэлэрэ көтөҕүллэн, тэрээһинтэн астынан, дууһалыын сынньанан, үөрүү аргыстаах тарҕастылар.
