Кулун тутар 21 күнүгэр Табалаахха «Красота спасет мир» диэн оройуоннай бастакы дьахталлар фестиваллара бэрт сэргэхтик уонна бииртэн биир араас сонун тэрээҺиннэрдээх буолан ааста. Бу фестивальга Табалаахтааҕы олохтоох бэйэни салайыныы баҺылыга А.В.Рожина «Книжки в радость детям» диэн бэртээхэй үтүө санааланыы акциятын көҕүлээн ыытта. Бу акцияҕа Адыаччыттан уонна АлыҺардаахтан култуура үлэҺиттэрэ, Чириков аатынан орто оскуола учууталлара, «Кэскил» оҕо сайдар киинин иитээччилэрэ уонна олохтоох администрация салайааччылара, уопсайа 15 киҺи биир санааҕа түмсэн кыттыыны ыллыбыт. Фестиваль бырааҺынньыктааҕы түҺүлгэтигэр Табалаах оҕолоро дьиэ кэргэнинэн бииргэ бириэмэлэрин туҺалаахтык атааралларыгар, ааҕалларыгар анаан, кинигэ туҺунан саха суруйааччыларын бэргэн этиилэринэн доҕуҺуоллаах, Адыаччы делегацията үөрүүлээх быҺыыга-майгыга Табалаах модельнай библиотекатын үлэҺитигэр Туяра Анатольевна Семеноваҕа 17 кинигэни уонна остуол оонньууларын туттарда.
Маннык сонун уонна билиҥҥи үйэҕэ олус тоҕоостоох акция киэҥ биҺирэбили ылан кэлбит ыалдьыттары, көрөөччүлэри, олохтоохтору сэҥээрдибитэ ытыс дохсун тыаҺынан сыаналанна.
Адыаччы молодцы
Адыаччылар олоҕу кытта тэнҥэ хардыылаан иҺэллэр. Ааҕарга наҺаа үчүгэй.