Сэтинньи 18 күнүгэр, нэһилиэкпит аҕам саастаахтарын «Алгыс» түмсүүтэ тэриллибитэ 10 сылын бэлиэтээтэ.
Ыалдьытымсах Адыаччы нэһилиэгин Култуураҕа уонна спортка киинин дьиэтэ, оройуон араас түмсүүлэрин уран тарбахтаах маастардарын быыстапкатын, талба талааннаах далбар хотуттарын ырыаларын, үҥкүүлэрин дьоһун түһүлгэтинэн буолла.
Кэлбит ыалдьыттарбыт палеонтологическай түмэл уонна олохтоох коллекционер, иистэнньэҥ Слепцова Дария Дмитриевна балаҕан-түмэлин бииртэн биир сэдэх, дьикти экспонаттарын, коллекциятын сөҕө, сэҥээрэ көрдүлэр.
«Алгыс» түмсүү кыттыылаахтарыгар олохтоох тэрилтэлэр, дьаһалта уонна оройуон депутаттарын Сэбиэтин аатыттан махтал суруктар, өйдөбүнньүк бэлэхтэр туттарылыннылар.
Алыһардаахтан, Остуолбаттан, Боронуктан, Дьааҥы куоратыттан кэлбит мааны ыалдьыттарбыт олохтоохтору кытта холбоһук, олус үчүгэй концеры көрдөрдүлэр: ылбаҕай ырыа ылланна, имигэс үҥкүү көһүннэ, бэл диэтэр, 60-70-80 сыллардааҕы таҥнар таҥас араас муодатын көрдөрөн, эдэрдии эрчимирэн сыанаҕа хааман көрдөрдүлэр.
Сынньалаҥ кэмигэр «Өркөн өй» тургутук күрэҕин олохтоох библиотекарь Горохова Л.К. сатабыллаахтык салайан ыытта.
Оройуон бары түмсүүлэрэ, дойду үрдүнэн буола турар балаһыанньаны өйдөөн, «Окопная свеча» акцияҕа биир санаанан кытталларын биллэрдилэр.
«Алгыс» түмсүүбүт 10 сыллаах үбүлүөйүн тэрээһинигэр көмөлөспүт Аҕа баһылыкпытыгар Слепцов Вячеслав Вячеславовичка, көрдөһүүбүтүн хаһан да быһа гыммат, «эс» диэбэт, кулууппут үлэһит кыргыттарыгар, салайааччы Тоскина Маргарита Васильевнаҕа, тэрээһини салайан ыыппыт Горохова Любовь Контваровнаҕа, сынньалаҥмытын ырыанан, музыканан киэргэппит Атласов Афанасий Николаевичка, Акимов Гаврил Андреевичка ийэлии истиҥ, эбэлии эйэҕэс махталбытын тиэрдэбит! 👏👏👏
Өрүү бу курдук түмсүүлээх буолуоҕуҥ, ил-эйэ эҥэрдэстин, доруобайдык сылдьыаҕыҥ! 🤗
«Алгыс» түмсүү.
Любовь Контваровна ыытар тэрээһиннэрэ барыта үрдүк таһымнаах буолар. Сценарийын барытын ый инниттэн үөрэтэр, суруйар. Бу ааспыт «Алгыс» түмсүү 10 сылыгар аналлаах кэнсиэри сценарист, конферансье быһыытынан ыыппытын уонна бэлэмнээбит «Өркөн өй» күрэһин кэлии ыалдьыттар наһаа хайҕаатылар. Любовь Контваровнаҕа махталбыт улахан, өссө да библиотека уонна культура киинэ ситиммитин быспахха бииргэ үлэлиэхпит диэн бигэ эрэллээхпин.
Адыаччы
Адыча
Адыча
Ессе да уунэ-сайда тур!!!
Дорооболорун! Адыаччыга буолан ааспыт тэрээҺиннэри киирэн керен, ааҕан комментарийда хаалларан ааҺын
Адыаччы Алгыстарыгар юбилейдаах күҥҥүтүнэн эҕэрдэ
Адыаччылар👍❤️
Адыча молодцы
Адыаччыларга эҕэрдэ🌺
Адыча
Адыаччыга буолан ааспыт тэрээһиннэри көрөн,ааҕан астынным,сөҕө махтайдым.Бары түмсүүлээх,көхтөөх дьоннор олороллор эбит Адыаччыга,олус маладьыастар!Өссө да үүнэ-сайда,силигирии турун!Адыаччыларга УРУЙ-АЙХАЛ!
Бэртээхэй тэрээьин Адыаччы библиотекатын улэтэ
Адыаччы библиотекатын улэтэ
Адыча
Адыча👍
Адыаччылар👍
Дорооболоруҥ! Сайтка киирэн, тэрээҺиннэр тустарынан сэҥээрэ аахпыт, хаартыскалары көрөн үтүө тылларгыт иҺин махталбын тиэрдэбин! Сынньалаҥҥытын өрүү интэриэҺинэйдик, көхтөөхтүк, туҺалаахтык атаараргытыгар баҕара хаалабыт Адыаччы олохтоох библиотеката