Олохтоох Култуура уонна спорт Киинин үлэһиттэрин көҕүлээһиннэринэн,Арчы дьиэтигэр, Олоҥхо күнүгэр аналлаах дьиҥ сахалыы ис куттаах, дьоһун тэрээһин буолан ааста. Тэрээһини аан тылын этэн, уот иччитигэр айах тутан, алгыстаан Наана-Киһилээх арыйда.
Олохтоох библиотека үлэһитэ Любовь Контваровна олоҥхо туһунан дириҥ ис хоһоонноох, интириэһинэй иһитиннэриини оҥорон дьон болҕомтотун тарта. Бэлэмнээн туруорбут баай ис хоһоонноох олоҥхоҕо аналлаах кинигэ быыстапкатын көрдөрдө.
Тэрээһин сүрүн чыпчаалынан оскуолабыт 5 кылааһын үөрэнээччилэрэ (кылаас салайааччыта Стручкова А Н), Дьааҥы биллэр олоҥхоһута Даарыйа Чайка «Омуннаайы бухатыыр» олоҥхотуттан быһа тардан куолаан толоруулара уонна Стручков Эрчим олоҥхо тиэмэтигэр бэлэмнээбит дакылаатын истии буолла. Олоҥхону толоруу ньымаларын оҕолорго Горохова Хаарчаана Ньургуновна олус үчүгэйдик бэлэмнээбитэ көстөр. Оҕолор дьоһумсуйан олорон, маннык сүдү айымньыны иҥнибэккэ-толлубакка толороннор истээччилэр сэҥээриилэрин ыллылар.
Түмүккэ оҕолор «Чохоон» оҕо студията айан таһаарбыт сахалыы олоҥхо ойуулугун көрдүлэр, «Олоҥхо дойдутугар айан» оонньууну астына оонньоотулар.
Бу улахан иитэр- үөрэтэр суолталаах, оҕо ис кутун, тылын баайын сайыннарар тэрээһини ыыппыт бары тэрийээччилэргэ барҕа махтал буолуохтун!
Адыаччы
Адыча
Адычинская сельская библиотека 😍
Адыаччыга Олоҥхо күнүгэр олоҥхону толорбут оҕолорго, уҺуйааччы Хаарчана Ньургуновнаҕа эҕэрдээ! Өссө да сайда-үүнэ туруҥ!
Адыаччылар молодцы
Адычинская библиотека — одна из лучших библиотек республики! Молодцы!
Адыаччылар 👍😍
Адыча 🤩
Адыча
Отличное мероприятие
Адыча
Очень понравилась статья, дальнейших успехов в общественной работе
Адыаччы
Адыча
Олус учугэй
Aдыаччылар маладьыастар!👍🏻👍🏻👍🏻
Адыча
Очень хорошее мероприятие