УЬУЙААН ОҔОЛОРУГАР «СЭЬЭН КУОЛУ» КҮРЭХ

Соторутааҕыта Адыаччы нэҺилиэгэр Төрөөбүт тыл уонна сурук-бичик декадатын иҺинэн олохтоох библиотека уонна  «Кэскил» оҕо уҺуйаана бииргэ былааннаан оҕо саадын оҕолорун ортолоругар  «СэҺэн куолу» күрэҕи ыыттылар. Уопсайа 11 оҕо үс бөлөххө хайдан «Мин таптыыр оонньуурум» диэн  темалаах   кытынна. Оҕолору күрэххэ 7 иитээччи уонна төрөппүттэр бэлэмнээтилэр. Оттон оҕолор төрөөбүт тылларынан уустаан- ураннаан  сэҺэргииллэрин өр сыл үлэлээбит уҺуйааччылар уонна настаабынньыктар Екатерина Дмитриевна Юмшанова, Галина Николаевна Егорова, итиэннэ 60 сыл үөрэхтээҺин эйгэтигэр олоҕун анаабыт педагог Христина Егоровна Корнилова уонна саха тылын уонна литературатын учуутала идэлээх Учууталлар учууталлара Вера Семеновна Слепцова сыаналаатылар. Түмүккэ кыттыбыт оҕолор бары уҺуйаан уонна оройуоннааҕы библиотечнай ситим бэлэмнээбит  дипломнарын, подароктарын тутан, наставник- педагогтартан анабыл бириис ыланнар үөрдүлэр-көттүлэр.